Adoremus Jesum-Eucharistiam! | Pagina domestica
Credo Domine, sed credam firmius; spero Domine, sed sperem securius; amo Domine, sed amem ardentius; doleo Domine, sed doleam vehementius.
Adoro te ut primum principium; desidero ut finem ultimum; laudo ut benefactorem perpetuum; invoco ut defensorem propitium.
Tua me sapientia dirige, justitia contine, clementia solare, potentia protege.
Offero tibi, Deus, cogitanda, ut sint ad te; dicenda, ut sint de te; facienda, ut sint secundum te; ferenda, ut sint propter te.
Volo quidquid vis, volo quia vis, volo quomodo vis, volo quamdiu vis.
Oro, Domine, ut intellectum illumines, voluntatem inflammes, corpus emundes, animam sanctifices.
A superbia non inficiar; adulatione non afficiar; a mundo non decipiar; a Satana non circumveniar.
Gratiam praesta memoriam purgandi, linguam frenandi, oculos cohibendi, sensus coercendi.
Defleam praeteritas iniquitates, repellam futuras tentationes, corrigam vitiosas propensiones, excolam idoneas virtutes.
Tribue mihi, bone Deus, amorem tui, odium mei, zelum proximi, contemptum mundi.
Studeam superioribus obedire, inferioribus subvenire, amicis consulere, nemini invidere.
Meminerim, o Jesu, mandati tui et exempli, inimicos diligendo, injurias sufferendo, persequentibus benefaciendo, pro calumniantibus orando.
Vincam voluptatem austeritate, avaritiam largitate, iracundiam lenitate, tepiditatem pietate.
Redde me prudentem in consiliis, constantem in periculis, patientem in adversis, humilem in prosperis.
Fac, Domine, ut sim in oratione attentus, in epulis sobrius, in munere sedulus, in proposito firmus.
Curem habere sanctitatem interiorem, modestiam exteriorem, conversationem exemplarem, vitam regularem.
Naturae invigilem domandae, gratiae fovendae, legi servandae, saluti promerendae.
Sanctimoniam assequar sincera peccatorum confessione, fervida Corporis Christi communione, continua mentis recollectione, pura cordis intentione.
Discam a te, Deus, quam tenue, quod terrenum; quam grande, quod divinum; quam breve, quod temporaneum; quam durabile, quod aeternum.
Da mortem praeveniam, judicium pertimeam, infernum effugiam, paradisum obtineam.
Per Christum Dominum nostrum. Amen.
Facilior ordo (abecedarius, dinumerabilis sed non-tralaticius)
1. Credo Domine, sed credam firmius; spero Domine, sed sperem securius; amo Domine, sed amem ardentius; doleo Domine, sed doleam vehementius.
2. Adoro te ut primum principium; desidero ut finem ultimum; laudo ut benefactorem perpetuum; invoco ut defensorem propitium.
3. A superbia non inficiar; adulatione non afficiar; a mundo non decipiar; a Satana non circumveniar.
4. Curem habere sanctitatem interiorem, modestiam exteriorem, conversationem exemplarem, vitam regularem.
5. Defleam praeteritas iniquitates, repellam futuras tentationes, corrigam vitiosas propensiones, excolam idoneas virtutes.
6. Discam a te, Deus, quam tenue, quod terrenum; quam grande, quod divinum; quam breve, quod temporaneum; quam durabile, quod aeternum.
7. Fac, Domine, ut sim in oratione attentus, in epulis sobrius, in munere sedulus, in proposito firmus.
8. Gratiam praesta memoriam purgandi, linguam frenandi, oculos cohibendi, sensus coercendi.
9. Meminerim, o Jesu, mandati tui et exempli, inimicos diligendo, injurias sufferendo, persequentibus benefaciendo, pro calumniantibus orando.
10. Naturae invigilem domandae, gratiae fovendae, legi servandae, saluti promerendae.
11. Offero tibi, Deus, cogitanda, ut sint ad te; dicenda, ut sint de te; facienda, ut sint secundum te; ferenda, ut sint propter te.
12. Oro, Domine, ut intellectum illumines, voluntatem inflammes, corpus emundes, animam sanctifices.
13. Redde me prudentem in consiliis, constantem in periculis, patientem in adversis, humilem in prosperis.
14. Sanctimoniam assequar sincera peccatorum confessione, fervida Corporis Christi communione, continua mentis recollectione, pura cordis intentione.
15. Studeam superioribus obedire, inferioribus subvenire, amicis consulere, nemini invidere.
16. Tribue mihi, bone Deus, amorem tui, odium mei, zelum proximi, contemptum mundi.
17. Tua me sapientia dirige, justitia contine, clementia solare, potentia protege.
18. Vincam voluptatem austeritate, avaritiam largitate, iracundiam lenitate, tepiditatem pietate.
19. Volo quidquid vis, volo quia vis, volo quomodo vis, volo quamdiu vis.
20. Da mortem praeveniam, judicium pertimeam, infernum effugiam, paradisum obtineam.
21. Per Christum Dominum nostrum. Amen.
Adoremus Jesum-Eucharistiam! | Pagina domestica